Loyiha nega 6 oydan 18 oyga cho'ziladi

Loyiha olti oyga rejalashtiriladi. O'n sakkizinchi oyda u hali ham tugamagan.

Bu holatda odatda dasturchi ayblanadi. Lekin agar cho'zilish sabablarini hafta bo'yicha ajratib chiqsangiz, boshqa manzara ochiladi: kodning o'zi rejadan deyarli chetga chiqmagan.

Vaqt boshqa joylarda yo'qolgan.

Vaqt qayerda yo'qoladi

1. Skoup yozilmagan - eng katta manba

"Yo'l-yo'lakay aniqlashtiramiz" deb boshlangan loyihada har hafta yangi talab qo'shiladi. Har talab o'rtacha ikki hafta qo'shadi.

O'n marta qo'shildi - yigirma hafta ketdi. Bu besh oy, va u hech qanday hisobotda ko'rinmaydi, chunki har qo'shimcha alohida kichik ko'rinadi.

2. Qaror kutish

Jamoa savol berdi: "buyurtma tasdiqlanmasa nima bo'ladi?" Javob bir hafta keladi. Shu vaqt ichida ish shu qismda to'xtaydi.

Bir loyihada o'nlab shunday savol bo'ladi. Agar har biri uch kun kutsa - bu bir oydan ortiq.

3. Ma'lumot kechikishi

Migratsiya uchun eski baza kerak. Test uchun real ma'lumot kerak. Integratsiya uchun boshqa tizimning hujjatlari kerak.

Bularning har biri "ertaga beramiz" bilan boshlanadi va ikki hafta davom etadi.

4. Qabul qilish cho'ziladi

Ish topshirildi. Buyurtmachi "ko'rib chiqamiz" deydi. Uch hafta o'tadi.

Bu vaqt ichida jamoa keyingi bosqichga o'tolmaydi, chunki oldingisi tasdiqlanmagan. Ba'zan ular boshqa loyihaga o'tadi va qaytish yana vaqt oladi.

5. Texnik murakkablik - eng kichik manba

Integratsiya kutilganidan qiyin chiqdi, ma'lumot chalkash bo'ldi, uskuna hujjatlari eskirgan.

Bu haqiqiy sabab va u odatda ikki-to'rt hafta qo'shadi. Yuqoridagi to'rttasi bilan solishtirganda kichik.

Hisob: qanday qilib 24 hafta 60 haftaga aylanadi

Amaliy misol. Reja: 24 hafta.

24 + 46 = 70 hafta. Amalda ba'zi kechikishlar bir-birining ustiga tushadi, shuning uchun natija odatda 55-65 hafta atrofida bo'ladi.

Ya'ni olti oylik loyiha o'n to'rt-o'n olti oyga cho'ziladi. Va buning uchun hech kim ataylab yomon ishlamagan.

Qanday oldini olish

Beshta manbaning har biriga aniq mexanizm bor.

Beshtasi ham shartnomada yoziladi. Ular texnik emas, tashkiliy mexanizmlar - lekin aynan ular muddatni ushlab turadi.

Buyurtmachi tomonida kim javob beradi

Bu eng ko'p e'tibordan chetda qoladigan qism.

Loyihaga bitta mas'ul shaxs tayinlanishi kerak. Uning vazifasi:

• Savolga uch ish kuni ichida javob berish yoki javobni topib berish
• Ichki qarorlarni yig'ish - bo'limlar orasida kelishuvni ta'minlash
• Ma'lumot jadvalini nazorat qilish
• Demoga chiqish va fikr bildirish
• Skoupdan tashqari so'rovlarni filtrlash

Oxirgisi muhim. Agar har bo'lim to'g'ridan-to'g'ri jamoaga so'rov yuborsa, skoup nazoratsiz o'sadi. Barcha so'rovlar bitta odam orqali o'tishi kerak.

Bu odam texnik bo'lishi shart emas. Muhimi - u qaror qabul qila olsin va uning vaqti bo'lsin.

Oldindan ko'riladigan belgilar

Loyiha boshlanishidan oldin ham cho'zilish ehtimolini baholash mumkin:

Uchtasi bo'lsa - loyiha rejadan kamida 50% cho'ziladi. Beshtasi bo'lsa - ikki barobar.

Discovery bosqichi nima uchun kerak

Yuqoridagi beshta manbaning to'rttasi Discovery bosqichida yopiladi.

Ikki hafta ichida: jarayon o'rganiladi, skoup yoziladi, ma'lumot manbalari aniqlanadi, mas'ul shaxs belgilanadi va integratsiya talablari tekshiriladi.

Shundan keyin narx ham, muddat ham taxmin emas - hisob bo'ladi.

Discovery pullik bo'lishi normal. Bepul yozilgan skoup shoshib va yuzaki chiqadi, chunki u to'lanmagan ish. Pullik tahlil batafsil bo'ladi va u sizniki bo'lib qoladi - siz uni xohlagan jamoaga olib borishingiz mumkin.

Cho'zilish boshlanganda nima qilish kerak

Ba'zan loyiha allaqachon cho'zilgan bo'ladi. Uch qadam yordam beradi:

1. Sababni ajrating. Kechikish qaysi manbadan kelgan - skoup, qaror, ma'lumot yoki texnik. Bu ayblash uchun emas, to'g'ri harakat tanlash uchun.

2. Skoupni qayta belgilang. Qolgan ishni ikkiga bo'ling: hozir kerak va keyin bo'ladi. Birinchisini yoping va ishga tushiring. Ikkinchisi alohida bosqich bo'ladi.

3. Haftalik ritm o'rnating. Qisqa yig'ilish, aniq ro'yxat, kim nima qiladi va qachon. Cho'zilgan loyihalarda odatda muloqot ham to'xtagan bo'ladi.

Xulosa

Loyiha kod yozish sekin ketgani uchun cho'zilmaydi. U qarorlar sekin qabul qilingani va skoup nazoratsiz o'sgani uchun cho'ziladi.

Amaliy qadamlar:

1. Skoupni shartnomaga ilova qiling - bu eng katta manbani yopadi
2. O'zgarish tartibini yozing va og'zaki so'rovlarni bajarmang
3. Buyurtmachi tomondan bitta mas'ul shaxs tayinlang
4. Ma'lumot jadvalini loyiha boshida tuzing
5. Qabul qilish muddatini shartnomada belgilang
6. Discovery bosqichidan boshlang - u to'rt manbani boshidan yopadi